อันนั้นเด่อสาละน้อบาดนี้
สิเว้าความกี้ก่อนฮักสองเฮา
เคยสุขสมภิรมย์ใจฮักเจ้า
ความหมองเศร้าบ่เคยได้พายผ่าน
ใจแน่นหนักคักแน่ปานหิน
บ่ขาดบิ่นเกาะเกี่ยวข้องยาน
ซื่นหัวใจบ่พอกายปีผ่าน
ฮักเคยหวานกะจืดจางต่างไป
เจ้าผู้แก้มป่ายหล่าย
ขั่นแม่นใจเจ้ากลายเป็นอื่น
ให้เซาซาอย่าฝืน อย่าสิบืนให้มันลำบากใจ
ฮักบ่โสภาเศร้า สิเจ็บสิเหงากะบ่เป็นหยัง
บ่มีบุญพาไปฮอดฝั่ง ได้มาฮ่วมทางกะดีใจหลาย
ฮักบ่โสภาโศก กะขอให้โชคดีเด้อคนไค
นับจากนี้สิบ่มีอ้าย อย่าคึดหยังหลาย
มันบ่ตายดอกนาง
ถึงสิฮักแฮงหลาย แพงฮ้ายดอกสํ่าฟ้า
สิบ่ฝืนชะตาบ่หลื่นฟ้าเพิ่นสั่ง
ถึงสิบ่มีแล้วผู้จับมือกันหย่าง
บุญผลาบ่ต่อตั้งกะถิ่มม้างให้ป่าวแปน
ขั่นสมมาพาควรแล้วให้อ่านอ่วยไปทางใหม่
ตามประสงค์ดั่งใจที่เจ้าเคยไฝ่ฝันพ้อ
อ้ายสิลาหม่องนี้บ่มีแนวให้คึดต่อ
ฮักคาวกี้ที่ผ่านพ้อให้สานต่อไปนำเขา
เจ้าผู้แก้มป่ายหล่าย
ขั่นแม่นใจเจ้ากลายเป็นอื่น
ให้เซาซาอย่าฝืน อย่าสิบืนให้มันลำบากใจ
ฮักบ่โสภาเศร้า สิเจ็บสิเหงากะบ่เป็นหยัง
บ่มีบุญพาไปฮอดฝั่ง ได้มาฮ่วมทางกะดีใจหลาย
ฮักบ่โสภาโศก กะขอให้โชคดีเด้อคนไค
นับจากนี้สิบ่มีอ้าย อย่าคึดหยังหลาย
มันบ่ตายดอกนาง
ฮักบ่โสภาเศร้า สิเจ็บสิเหงากะบ่เป็นหยัง
บ่มีบุญพาไปฮอดฝั่ง ได้มาฮ่วมทางกะดีใจหลาย
ฮักบ่โสภาโศก กะขอให้โชคดีเด้อคนไค
นับจากนี้สิบ่มีอ้าย อย่าคึดหยังหลาย
มันบ่ตายดอกนาง
นับจากนี้ถึงสิบ่มีไผ
อย่าคึดหยังหลาย มันบ่ตายดอกนาง